Qui èm
Es Paoms ei ua associacion culturau de Vilamòs creada damb er objectiu de promòir e hèr créisher era lengua, era musica e era cultura aranesa. Des deth sòn començament, er an 2017, era entitat a participat en fòrça iniciatiues que an contribuït a reforçar era identitat culturau dera Val d’Aran e a hèr-la mès visibla en tot eth país.
Era nòsta linha de trabalh se fonamente en tres pilars principaus: era musica, es arts escèniques e era lengua. Totun, Es Paoms apòste tanben pes arts ibrides e per ua vision dubèrta dera creacion culturau, pr’amor que trabalham en d’auti encastres que nos pòden aportar riquesa e naues perspectives a tot çò que hèshem.
Ath long deth temps, Es Paoms a impulsat projèctes innovadors, coma exposicions, documentaus, activitats de transmisson culturau e accions de recuperacion patrimoniau, que an estat arreconeishudes tant peth sòn valor sociau coma peth sòn compromís damb er aranés.
Musica
Creacion audiovisuau
Exposicions
Patrimoni culturau
Lengua
Un des elements mès emblemàtics dera associacion ei Es Paoesses, eth grop vocau femenin que, pendent ans, a representat era musica tradicionau e era votz femenina dera Val d’Aran, convertint-se en un simbèu dera vitalitat culturau locau.
Hòrt ligada ara comunitat, era nòsta associacion treballe entà mantier viu un espaci de creacion, reflexion e activitats qu’ajuden a preservar e difóner eth nòste patrimòni, sense pèrdre jamès era connexion damb er esperit viu de Vilamòs.
Èm ua associacion dubèrta, arrelada e illusionada, que treballe entà que era cultura aranesa contunhe vibrar e arribar ar aunor que meritè.
Era Junta Directiva d’Es Paoms ei formada per persones compromeses damb era cultura aranesa e damb era vida associativa. Se vòs conéisher era sua composicion actuau, la pòs consultar ací.
PRÈMIS E RECONEISHEMENTS
PRÈMI DETH PUBLIC JOAN-PAU VERDIÈR 2021
PRÈMI LENGUA VIUA 2022
Ara ja mos coneishes.
Ara ei eth moment de hèr-te sòci/sòcia d’Es Paoms.