CONCORS DE GUARNIMENT DE BALCONS E FAÇADES DE VILAMÒS - LA BORDETA 2026

Requisits

  • Era decoracion aurà d'èster visibla des dera via publica.

  • Aurà d'èster installada abans deth 13 d'agost de 2026.

  • Es elements decoratius entà guarnir es balcons e façades son de liura eleccion, en tot respectar en tot moment es voravies, es accèssi as abitatges vesins e era seguretat des persones.

  • Entà participar en Concors, serà obligatòri plaçar era bandèra de Vilamòs, que facilitarà era organizacion en moment de formalizar era inscripcion.

  • Entà inscríuer-se, cau comunicar ara organizacion eth nòm dera casa que participe e eth nòm dera persona responsabla dera decoracion.

Bases deth Concors de Guarniment de Balcons e Façades de Vilamòs - La Bordeta 2026

Prumèr. Objecte

Eth Concors de Guarniment de Balcons e Façades de Vilamòs e la Bordeta a coma objectiu fomentar era decoracion des balcons e façades deth nòste pòble, metent en valor eth sòn valor estetic e contribuïnt a emberir Vilamòs e la Bordeta pendent era Hèsta Major.

Aguest concors vò fomentar era participacion des vesins e ajudar a crear un ambient acuelhedor e atractiu autant entàs persones deth pòble coma entàs visitants.

Dusau. Participants

Poderàn participar en aguest concors es proprietaris o arrendataris d'abitatges, atau coma es establiments comerciaus, toristics o de restauracion situadi en municipi de Vilamòs e la Bordeta, que dispòsen de balcons, hièstres o façades visibles des dera via publica e que poguen èster decoradi sense generar cap de risc entàs persones o as immòbles vesins.

Era participacion ei gratuïta. Entà formalizar era inscripcion, sonque calerà penjar era bandèra de Vilamòs en balcon o façada abans deth 12 d'agost de 2026. Eth hèt de plaçar era bandèra se considerarà era inscripcion ath concors.

Era participacion en concors implique era acceptacion integra d'aguestes bases.

Tresau. Jurat

Eth jurat valorarà especiaument es aspèctes següents:

  • Originalitat dera decoracion.

  • Integracion damb era arquitectura tradicionau de Vilamòs.

  • Valor estetic e armonia deth conjunt.

  • Creativitat.

  • Elaboracion e trabalh realizat.

  • Emplec de flors, plantes e elements naturaus.

  • Manteniment e estat dera decoracion.

Era decision deth jurat serà inapelable e eth prèmi poderà declarar-se desèrt se atau ac decidís eth jurat.

Quatau. Prèmis

Eth jurat establís un prèmi:

🥇 Prumèr prèmi

Diplòma acreditatiu e un esdejoar entà 4 persones en Bar Estanh Long.

Cincau. Acceptacion des bases

Era participacion en aguest concors implique era acceptacion integra des presents bases.

Cincau. Acceptacion des bases

Era organizacion se reserve eth dret de hèr fotografies des balcons e façades participants e de publicar-les enes sòns canaus de comunicacion e hilats sociaus, damb era unica finalitat de promòir eth concors e era Hèsta Major de Vilamòs.